Rulo

Raúl Gutierrez, RULO izenez ezaguna, Kantabriako (Reinosa) kantautore ezaguna eta Rulo y la Contrabandaren sortzailea da, artistak 2010ean sortutako rock taldea. 1996an, Adolfo Garmendia (Fito) kidearekin batera, La Fuga bandaren buru izan zen, eta Espainia osoan zehar eta munduko zenbait herrialdeetan 500 kontzertu baino gehiago eskaini zituzten. Bandak iraun zuen 13 urteetan, 8 disko atera zituzten. 2010ean, Raúlek bakarlari gisa hastea erabaki zuen, eta bere proiektu pertsonalena sortu zuen: Rulo y la Contrabanda. Taldearekin estudioko 4 disko grabatu ditu, eta 11 herrialdetan baino gehiagotan jo du, eta, hala, Reinosa izena mundu osora zabaldu du. Señales de humok, bere lehen diskoak, salmenta-zerrenden buru izatea lortu zuen. Besteak beste, Cabecita loca eta Heridas del Rock’nRoll kantak biltzen dira bertan. Bigarren albuma, Especies en Extinción, 2012an atera zuen, eta bertan Mi pequeña cicatriz, Buscando el mar edo La Flor kantak daude, besteak beste. Gero, hirugarren albuma iritsi zen, El doble de tu mitad, zuzenean grabatutakoa. 11 kanta ditu; tartean, Tu alambre eta Noviembre. Orain arteko azken diskoa egiteko (Basado en Hechos Reales), Kaliforniara joan zen behin eta berriz saritua izan den Thom Russorekin lan egitera (Eric Clapton, Johnny Cash). Horrela, kalitate musikal ukaezina duen lan bat egin ahal izan zuen. Eskulangintzan erabiltzen den kontu handiz egina zirudien, lerro melodiko liluragarrietan, errepika bizietan eta Ruloren nortasunarekin eta ahots leunarekin bete-betean datorren soinuan oinarritzen zen.